astrólafía

11.4.2025 | 10:55

fullt tungl í vog sætu mín love u

hæ vinir !!!

13. apríl 2025, klukkan 00:21, er tunglið fullt í 23° vog.

þegar tunglið er fullt þá sjáum við markmið okkar í fullu ljósi.

fulla tunglið er miðpunktur tunglmánaðarins. þá er tunglið í fullum ljóma og oft sjáum við allt skýrt, allt sem hefur gengið vel og það sem mætti betur fara. tunglið hefur náð fullum ljóma og byrjar nú að dvína. þá hefst ferli sem snýr að því að sleppa tökum þar til tunglið verður nýtt að nýju.

nýja tunglið í hrúti setti tóninn fyrir mánuðinn. það hvatti okkur til að vera sjálfstæð og þora að eltast við það sem við þráum.

vogin

markmið vogarinnar er að finna jafnvægi. vogin vill sjá og skilja allar hliðar málsins. skilja tvo hluti koma saman, t.d. í samböndum. vogin lærir um sig í samhengi við aðra. hún lærir á jafnvægi í gegnum öfgar.

vogin er félagsvera sem vill vera partur af alls kyns samböndum. rómantískum, vina-, vinnu, hópa. upp á sitt besta er vogin diplómatísk, viðkunnanleg og sjarmerandi. gædd ákveðnum persónutöfrum.

vogin vill hafa allt og alla fína og góða. en það er ekki jafnvægi! skuggahlið vogarinnar er nefnilega meðvirkni beibííí.

upp á sitt besta er vogin þolinmóð og góð við fólkið í kringum sig án þess að leyfa öðrum að vaða yfir sig. hún þorir að standa upp fyrir sjálfri sér og hræðist ekki ágreining. hún áttar sig á því að það er ekki raunhæft að halda öllum góðum.

fullt tungl í vog

okei munum fyrst að nýja tunglið í hrúti hvatti okkur til að ganga á eftir því sem við viljum og þráum. að sýna hugrekki til þess að taka af skarið.

fulla tunglið í vog er mætt til að hjálpa okkur að finna jafnvægi. vogin hvetur okkur til að finna ballansinn á milli þess að ganga eftir því sem við þráum og að pæla í því sem aðrir vilja.

vogin spyr hvort við séum að íhuga hvernig gjörðir okkar hafa áhrif á aðra. eða hvort við séum mögulega ekki að pæla í neinu öðru.

það er ákveðin kúnst að finna jafnvægi í þessu. jafnvægi á milli þess að hugsa um okkur og aðra. að geta sýnt hugrekki til að fylgja því sem VIÐ viljum og vera líka meðvituð um fólkið í kringum okkur.

fulla tunglið í vog spyr hvernig samband okkar er við það núna? fórnum við okkar þörfum til að halda öðrum góðum? eða gerum við hvað sem er til þess að fá það sem við viljum? sama hvernig áhrif það hefur á fólkið í kringum okkur?

við erum á mismunandi stöðum og því er mismunandi hvort við þurfum að tileinka okkur meira sjálfstæði. hugrekki til þess að segja öðrum að fokka sér smá og við ætlum að gera það sem við þurfum að gera.

eða hvort við þurfum að taka meira tillit til annarra. hætta að segja öllum að fokka sér hahahha.

merkúríus og venus ganga áfram !!!!

merkúríus og venus eru ekki lengur að ganga aftur! meira flæði í samskiptum. fokk jáááá! kærkomið <3

munum að afturgöngur eru einskonar stöðufundir. nú er tími til að innleiða það sem við höfum lært. það er á okkar ábyrgð að breyta samskiptamynstrum okkar í samböndum. að biðja um það sem við þráum. setja mörk í samböndum okkar við fólk og peninga. mörk í samræmi við gildi okkar.

skýrari hugmyndir um það sem við viljum! vonandi erum við búin að sleppa tökum á því sem við viljum ekki því nú er það fulla ferð áfram

merkúríus, venus, satúrnus og norðurnóða í samstöðu í fiskum

þessi samstaða er að spila mikið inní. fá okkur til að taka ábyrgð í samböndum og samskiptum. sem er kannski nýtt fyrir okkur. en það er bara það sem við þurfum að gera núna.

samstaðan í fiskum er að hvetja til að taka ábyrgð á nýjum samböndum, nýjum samskiptum og nýjum draumum. hvar sem það er í þínu korti. nýtt nýtt nýtt! en þú verður að taka ábyrgð á því ! það gerist ekkert ef þú gerir ekkert..... vibe... vinna fyrir því sem þú vilt fá.

ef þú sérð ekki hvernig þú getur tekið ábyrgð... eða hvernig e-ð er á þinni ábyrgð.. þá mun það líklegast (vonandi) skýrast á næstu dögum. þetta er ekki skýrasta fulla tungl lífs okkar....

samstaða þessi er að mynda quincunx við fulla tunglið.

quincunx er eins og blindur blettur. hvernig áttu að taka ábyrgð á því að biðja um það sem þú þráir og vilt án þess að setja allt í ójafnvægi... það gæti verið spurningin. eða þú gerir þér ekki grein fyrir því að ábyrgðin sé þín.

sama hvað það er. þá er tunglið ekki lengi í þessari spennuafstöðu. en þess vegna segi ég að þetta sé ekki skýrasta fulla tungl lífs okkar. það skýrist allt (flest) á næstu dögum!

vangaveltur fulla tunglsins:

hvernig get ég tekið ábyrgð á mérí samböndum mínum?

hvernig er samband mitt við þrár annarra?

vil ég sýna meira hugrekki?

þarf ég að setja mörk?

hvernig get ég beðið um það sem ég þrái?

get ég sýnt öðrum meira æðruleysi?

get ég sýnt mér meira æðruleysi?

hvernig upplifi ég ójafnvægi? get ég fundið leið til að finna ró í ójafnvæginu?

er heimsendir að einhverjum líki ekki vel við mig?

kossar og knús, love u, mbk,

astrólafía <3

Bloggar | Breytt s.d. kl. 11:07 | Slóð | Facebook | Athugasemdir (0)

27.3.2025 | 10:40

nýtt tungl í hrúti (og sólmyrkvi) - 29. mars

hæ vinir

29. mars 2025, klukkan 10:58, er tunglið nýtt í 9° 00´ hrúti. og þá er líka sólmyrkvi!

(deildarmyrkvi sem verður sjáanlegur á íslandi!)(ef veður leyfir)(frá svona 10:00-12:00 29. mars)

hrúturinn!

hrúturinn er hvatvíst merki. hann er fyrstur og snýst þetta nýja tungl því mikið um nýtt uppphaf!!!!!!! FOK K JÁÁÁ´ÁÁ´ég er svoooooooooooooooooo til í það omggggg. nei þið mynduð ekki trúa hvað ég er ótrúlega spennt fyrir því.

ahahahahhaha

hrúturinn er að hvetja okkur til að taka á skarið. hefjast handa. ef það er eitthvað sem hrúturinn veit þá er það ef enginn gerir neitt þá gerist ekkert.

upp á sitt besta er hrúturinn djarfur og þorinn. hann vill lifa sínu lífi fyrir sig. við heiðrum orku hrútsins þegar við þorum að stíga út í heiminn sem VIÐ. hrúturinn þarf áskoranir. hann fer út í hið óþekkta til að ögra sér. vill vita hvað hann kemst langt. vill vita að hann getur gert hvað sem er.

skuggahlið hrútsins er óþolinmæði og reiði... að vera ófær um að taka ábyrgð á gjörðum sínum og heltekin af eigin sjónarhorni. til að jafna út þessa orku lítum við til vogarinnar. sem hjálpar okkur að finna samkennd og íhuga hvernig gjörðir okkar hafa áhrif á aðra.

nýtt tungl í hrúti

þetta er tími nýrra upphafa og hrúturinn er mjög hvatvís! hins vegar þá er afturgöngu-orka venusar og merkúríusar að hvetja okkur til að flýta okkur hægt. ég myndi nú alls ekki fara að hræðast ný upphöf..... en það þarf ekki heldur að flýta sér. bara segja.

hrúturinn verndar og vill vera hetja. þá setur hann hornin fyrir framan sig og hleypur af stað. upp á sitt besta hefur hrúturinn eitthvað til að vernda. hann þarf að finna eitthvað til að tileinka sér. koma eldinum frá sér. annars mun hann bara vernda egóið..... og þá mun hann svo innilega vernda það, passa að EKKERT komist að.

nýja tunglið í hrúti er að hvetja okkur til að vera djörf og þorin. hvaða (meðvituðu) áhættu getum við tekið núna? hvar þráum við áskoranir. (gott að skoða í hvaða húsi nýja tunglið lendir)(skal útskýra það betur)(einn daginn)

sólmyrkvi!

ok sko sólmyrkvinn er bara að hvetja til nýs upphafs. þessi myrkvi er tengdur norðurnóðunni og hvetur orkan okkur til að vera opin fyrir nýju upphafi. að hleypa nýrri orku inn. orku sem við höfum ekki fundið áður. þessi myrkvi er líka virkur og tengdur sjálfinu.

tunglmyrkvinn (og fulla tunglið í meyju) hvatti okkur til að sleppa tökum á smáatriðum, of mikilli vinnu og yfirþyrmandi gagnrýni.

orkan hvetur okkur til að nýta okkur hvatvísi hrútsins, að taka á skarið án þess að vera með öll smáatriðin á hreinu. öll erum við mannleg og öll gerum við mistök, sama hvað við reynum. fleira veit sá er fleira reynir!!! FRR

gætum gert nýjar breytingar í tengslum við hvernig við komum fram sem við sjálf. finnum nýja leiðir til að fá útrás. eða eitthvað í þeim dúr. kannski förum við að æfa eitthvað nýtt. kannski hættum við loksins að fela okkur. við sættum okkur við að vera ekki fullkominn. við erum nefnilega öll mannleg. það á það til að gleymast!!!!!! við gerum öll mistök. lífið snýst um að gera mistök og læra af þeim!!

þessi sólmyrkvi hvetur okkur til þess að hætta að ofhugsa!!!!!

veit að persónulega finn ég strax hvatningu til að rífa mig svoldið í gang. borða betri mat til að hafa meiri orku. og ég er með plön að breyta hvernig ég birtist á netinu..... bara dæmi.... það er nefnilega alls ekkert ólíklegt að við finnum þessa orku þó svo að það eru enn nokkrir dagar í nýja tunglið og sólmyrkvann.

bæði því orka nýs/fulls tungls finnst oft 3 dögum fyrir og eftir. ooog því við erum búin að vera í þessari blessuðu myrkvatíð í svoldinn tíma. en bráðum klárast hún gullin mín. og þá rísum við úr öskunni.

vangaveltur nýja tunglsins!

hvaða meðvituðu áhættu get ég tekið núna?

hvað vil ég gera?

hvar þrái ég áskorun?

hvað vil ég prófa nýtt? hvað hef ég ekki þorað að gera en þrái gera???????

hvort ætla ég að sjá eftir því að hafa ekki prófað eða sjá eftir því að prófa?

hvaða hræðsla hefur verið að halda aftur af mér?

hvernig get ég sleppt tökum á þeirri hræðslu?

hverju vil ég berjast fyrir?

með hjartans kveðju,

astrólafía <3

&nbsp;

Bloggar | Breytt 28.3.2025 kl. 11:21 | Slóð | Facebook | Athugasemdir (0)

13.3.2025 | 10:07

tunglmyrkvi og fullt tungl í meyju - 14. mars

hæ vinir!

14. mars 2025, klukkan 6:55, er tunglið fullt í 23° 56´ meyju. og þá er líka tunglmyrkvi!

þegar tunglið er fullt þá sjáum við markmið okkar í fullu ljósi.

tunglmyrkvar hvetja okkur til að sleppa tökum á fortíðinni.

nýja tunglið í fiskum setti tóninn fyrir mánuðinn. hvatti okkur til að treysta! treysta á eitthvað þó við sjáum það ekki. að rækta tengsl okkar við innsæi og allt það sem við getum ekki snert.

meyjan

meyjan vill lifa samkvæmt sjálfri sér. hún er hreinskilin og falslaus. upp á sitt besta er meyjan ávallt tilbúin að líta í eigin barm og gera betur.

meyjan hefur djúpan skilning á gildum sínum. þegar heimurinn í kring er í óreiðu og verður yfirþyrmandi þá getur meyjan leitað inn á við. hún lærir að treysta á sjálfa sig. hún hefur innri sannleik sem hún getur stólað á.

meyjan hefur gott auga fyrir smáatriðum. upp á sitt besta þá er hún fær um að sjá hluti sem aðrir taka ekki alltaf eftir og getur þannig bent á hvað má gera betur.

þessi hæfileiki til að skoða allt niður í kjölinn getur einnig orðið meyjunni að falli. hún getur orðið heltekin af þrá eftir fullkomnun, aldrei sátt við niðurstöðurnar.

fullt tungl í meyju

munum fyrst að nýja tunglið í fiskum hvatti okkur til að sleppa tökum og treysta á innri sannfæringu. fylgja draumum okkar og hjartanu.

nú er fulla tunglið í meyju mætt til að jarðtengja okkur aðeins aftur..... meyjan hvetur okkur til að gleyma okkur ekki í draumum okkar. en líka til að taka raunveruleg skref í átt að draumum okkar. meyjan vill búa til rútinu, daglega vinnu sem kemur okkur nær markmiðum okkar. meyjan vill alltaf bæta sig. hún vill alltaf gera betur og leitar að fullkomnun...

það er ekkert til sem er fullkomið... gleymum því ekki.

meyjan vill líka að við séum trú okkar gildum. eru draumar okkar okkar draumar?

fulla tunglið í meyju hvetur okkur til að taka draumum okkar alvarlega. þetta er líka góður tími til að endurskilgreina hvaða markmið þú hefur. hver viltu að loka-útkoman sé? því það er alltaf einhver útkoma. þú mátt ákveða hvað það er fyrir þig! það þarf ekki að vera það sem samfélagið segir þér að það eigi að vera. þú þarft ekki að kaupa íbúð, giftast og eignast börn ef það er ekki það sem þú vilt í raun og veru.

tími til að sleppa tökum á fullkomnun! við þurfum ekki að vita hvert einasta skref sem við munum taka til að láta drauma okkar rætast. við þurfum bara að taka fyrsta skrefið. ef við getum sleppt tökum á því hvernig við viljum að hlutirnir gerist þá náum við að njóta þess þegar lífið kemur okkur á óvart.

tunglmyrkvi!!

ókei sko myrkvarnir eru mjög merkilegir. en þeir eru mun persónulegri en margur myndi halda. það er happ og glapp hvort að maður upplifi sólmyrkva/tunglmyrkva persónulega. það fer eftir því hvort myrkvarnir eru að hafa einhver áhrif á kort okkar.

sama hvort þessi tunglmyrkvi muni hafa gríðarleg áhrif á okkar persónulega líf eða ekki... þá gerir tunglmyrkvinn fulla tunglið dramatískara...

þessi tunglmyrkvi er tækifæri til þess að sleppa tökum á smáatriðum, of mikilli vinnu og yfirþyrmandi gagnrýni.

nú er tími til að sleppa tökum á gömlum venjum sem virka ekki lengur. fullkomið að losa sig við úreltar rútínur og skipulag sem hentar ekki. sleppa tökum á því hver útkoman verður. finna jafnvægi á milli drauma og daglegra athafna. fantasíu og praktík.

tunglmyrkvinn hvetur okkur til að sleppa tökum á fullkomnun á meðan við erum að skapa okkar rútínu í tengslum við að tengjast öllu sem er.....

vangaveltur fulla tunglsins

hvar þarf ég að sleppa tökum?

hverju er ég að reyna að stjórna?

hvað er raunverulega ekki í minni stjórn?

er ég með óraunhæfar væntingar til mín? en til annarra?

hvernig get ég leyft lífinu að flæða?

er ég að lifa samkvæmt mínum gildum??????

hvernig get ég fundið jafnvægi á milli drauma og raunveruleika?

með hjartans kveðju,

astrólafía <3

Bloggar | Breytt 27.3.2025 kl. 10:12 | Slóð | Facebook | Athugasemdir (0)

4.3.2025 | 12:07

venus gengur aftur (1. mars - 14. apríl 2025)

jæja vinir!

þá hefur venus hafið eftirgöngu sína! eða hóf hana reyndar 1. mars. og klárar 14. apríl.

ég sé afturgöngur plánetanna sem stöðufundi. plánetan boðar okkur á fund og fer yfir líðandi stundir. en hvað vill venus taka fyrir á þessum fundi?

smá almennt um venus áður en lengra er haldið

venus er í 14 mánuði að klára heilan hring. hún gengur aftur einu sinni á 18 mánaða fresti. í sirka 40 daga.

venus er pláneta ástar. venus er pláneta sambanda, öryggis, tengsla, þæginda og friðar. hún vill samræma.

venus stjórnar bæði voginni og nautinu.

nauta-hlið venusar snýst um persónuleg gildi. það er sá partur af okkur sem vill vernda sig og sitt til að geta lifað sjálfbæru lífi. vill geta gert hlutina sjálft. nautið vill líka njóta. slappa af og njóta. njóta matar, lykta, snertingar, listar, ástar.

vogar-hlið venusar er ræktari sambanda. það er sá partur af okkur sem þiggur og tekur á móti. hlustar á aðrar hliðar. venus segir okkur því einnig hverju við löðumst að - og afhverju. hvernig við sameinumst öðrum í samböndum og hverju við búumst við á móti.

aðalorð venusar eru: ást, öryggi, fegurð, jafnvægi.

venus í hrúti (frá 4. feb)

venus í hrúti hefur orku þess að vita hvað hún vill. hún (venus) veit hvað henni þykir fallegt, hvað hún vill borða, hvernig hún vill hafa rýmið sitt skreytt og hvernig sambönd henni langar í.

venus í hrúti snýst að miklu leiti um sjálfs-ást og það að vera fjárhagslega sjálfbjarga.

það er gott að hafa á bakvið eyrað að orka venusar í hrúti getur líka verið smááá eigingjörn. ef þú ætlar þér að fá það sem þú vilt sama hvað.... það gæti verið óvinsælt.... allt gott í hófi fattiði.

þá sérstaklega í samböndum. þú veist kannski nákvæmlega hvernig sambönd þú vilt. hvernig þú vilt að maki þinn sé. eða vinir. en þú getur ekki ráðið öllu í samböndum þínum. það er bókstaflega ekki hægt að vera einn í sambandi. fattiði hvað ég meina. auðvitað er gott að vita hvað þú vilt og vilt ekki. en hafið á bakvið eyrað hvernig þið komið því til skila. og ert þú á þeim stað að geta gefið öðrum það sem þú vilt fá frá þeim?

venus að ganga aftur (í hrúti)(1. mars)

þegar venus gengur aftur. þá er venus að boða þig á stöðufund. venus hefur afturgöngu sína í hrúti. þá er líkt og venus sé að bjóða þér á fund til að skoða stöðu mála. hvað er það sem þú vilt. hvernig sambönd eru það sem þú vilt skapa og vera partur af? hvernig viltu hafa rýmið í kringum þig? hvernig viltu haga fjármálum þínum?

allt eru spurningar sem gætu komið upp á stöðufundi venusar í hrúti. afturgöngur hvetja okkur til að horfa til baka og skoða hvað við höfum lært, hvað hefur gengið vel og hvað viljum við bæta þegar áfram er haldið.

venus fer aftur yfir í fiska (27. mars)

nú breytist stemningin örlítið. þegar venus færir sig úr hrúti og aftur yfir í fiska þá koma upp fleiri spurningar á stöðufundinum. nú er orkan meira tengd fyrirgefningu, samkennd og uppgjöf.

venus er að fara aftur á þann stað sem hún var í lok janúar. er eitthvað sem átti sér stað frá 27. jan - 4. feb sem þú þarft að endurskoða? sérstakur atburður sem þú vilt sleppa tökum á? mögulega samtal sem þú myndir tækla öðruvísi í dag?

það getur verið ýmislegt. og kannski er ekkert sérstakt sem átti sér stað á þessum dögum. en var hugur þinn við eitthvað ákveðið þarna? reyndu að rifja það upp. það gæti gefið þér mikla innsýn í það hvað þessi stöðufundur snýst um.

afturganga venusar í fiska hvetur okkur til að sleppa tökum á því gamla. hvort sem það eru gömul sambönd, gamlar hugmyndir, gamlir ávanar. við fáum annað tækifæri til að horfast í augu við það og sleppa því endanlega. það getur verið mjög krefjandi.

venus snýr fram á ný (14. apríl)

þegar venus snýr fram á ný þá er fundi slitið. hér færð þú tækifæri til að nýta það sem þú lærðir á stöðufundinum eins og þú kýst. til dæmis með því að sleppa tökum á einhverju gömlu. eða fyrirgefa þér/aðstæðum fyrir að fara ekki eins og þú hefðir kosið. og loks að halda áfram!

venus fer í hrút (1. maí)

ef við náðum að nýta okkur orku afturgöngunnar til að sleppa tökum þá er venus í hrút frábær tími til að gera það sem þú vilt! það er ekki ólíklegt að þú sért með enn skýrari markmið, gildi og í meira jafnvægi núna en í byrjun febrúar (þegar venus fór yfir í hrút fyrr á árinu). ég segi bara fulla ferð áfram. fylgdu þínu hjarta!!!!!

(en höfum annað fólk samt alveg á bakvið eyrað muniði)(mikilvægt að finna jafnvægi í ég, um mig, frá mér, til mín...)(fattiði)

afturgöngu venus

ég myndi ekki láta mér bregða ef á þessum tíma þá ertu að hugsa um fyrrverandi. hvort sem það er fyrrverandi maki eða fyrrum vinir. eða bæði.

venus hvetur okkur til að líta til baka. skoða sambönd okkar. hvað höfum við lært. ef við erum að hugsa extra mikið um einhvern sérstakan þá er gott að skoða hvað það er. hvað gekk vel þar? hvað gekk illa? hvers vegna endaði það? myndirðu tækla þetta samband öðruvísi með þá visku sem þú hefur nú?

þú þarft btw alls ekki að vilja tala aftur við viðkomandi! það er ekki alltaf partur af þessu. stundum er nóg að átta sig á því hvað ákveðin sambönd voru að kenna okkur. ef þetta er samband sem þú villt ekki endurtaka - ertu búin að læra það sem þú þurftir að læra?

svo gætirðu fundið fyrir löngun til að heyra aftur í fyrrverandi. eða fyrrverandi heyrir í þér. nú get ég alls ekki sagt þér hvað þú átt að gera. kannski viltu prófa aftur. kannski ekki. kannski er eitthvað óklárað. kannski ertu alveg búin að loka. ég veit ekki. þú verður að finna það hjá þér.

ef ég ætti að gefa þér ráð... þá myndi ég ekkert vera að flýta mér. sérstaklega ef það ert þú sem vilt senda skilaboðin. sofðu á því. skrifaðu um það. skrifaðu skilaboðin niður og geymdu þau aðeins. það liggur oftast ekkert á. ég myndi amk sofa á þessu eina nótt.

gott að nýta orkuna frekar í að skoða hvað það er sem þú raunverulega vilt í sambandi. hvort þú raunverulega viljir fyrrverandi t.d.... hlutirnir enda sjaldan að ástæðulausu.

með hjartans kveðju,

astrólafía <3

&nbsp;

Bloggar | Breytt s.d. kl. 13:18 | Slóð | Facebook | Athugasemdir (0)

27.2.2025 | 11:37

nýtt tungl í fiskum (og upphaf myrkvatíðar) ----- 28. febrúar 2025

hæ vinir!

28. febrúar 2025, klukkan 00:44 þá er nýtt tungl í 9° 40´ fiskum.

nýja tunglið í fiskum hvetur okkur til að sleppa tökum og treysta á eitthvað æðra.

ný tungl eru tími til að setja sér ný markmið

nýja tunglið er táknrænt fyrir nýtt upphaf. þegar tunglið er nýtt er tunglið ekki sjáanlegt frá jörðu. tómarúmið á himninum verður þá táknrænt fyrir rými til að setja sér skýr áform. sem geta vaxið samhliða tunglinu þegar það birtist okkur aftur hægt og rólega. áformin ná síðan hámarki sínu þegar tunglið verður fullt.

þegar tunglið er nýtt hefst nýr tunglmánuður. þá er gott að setja sér markmið og ákveða hvert maður vill setja stefnuna næsta tunglmánuð. hver tunglmánuður hefur sitt þema sem gott er að hafa í huga.

fiskarnir

fiskarnir eru andlegt og draumkennt vatnsmerki, undir stjórn neptúnusar. þeir þrá að upplifa sameiningu. þeir vilja vera fyrir utan egóið og sameinast lífinu öllu. orka fiskanna snýst um að lifa samkvæmt tilfinningum sínum. markmið þeirra er að öðlast andlegan frið. tákna sameiginlega undirmeðvitund.

fiskarnir eru tengdir öllu því sem við skiljum ekki. draumar. fantasíur. andi. fiskarnir eru tengdir öllu. fyndið líka að ég kýs að segja fiskarnir en ekki fiskurinn.. fiskarnir eru bara svo mikið allt sem til er. en það er ekkert rétt eða rangt í því, fiskarnir, fiskurinn. bæði betra í rauninni. aaaallavega.

fiskarnir eru síðasta merki dýrahringsins og þeir hafa smá af öllum hinum merkjunum í sér. fiskarnir eru breytilegt vatnsmerki. þeir eru svoldið eins og suðupunktur af öllu sem til er. þetta markaleysi getur verið svoldið krefjandi. sérstaklega á jörðinni. orka fiskanna og neptúnusar er ekki úr þessum heimi nefnilega.

nýtt tungl í fiskum

nýja tunglið í fiskum hvetur okkur til að sleppa tökum og treysta á eitthvað æðra.

fiskarnir vilja lifa í hjartanu og tengjast innsæinu algjörlega. þeir snúast um að treysta á eitthvað æðra egóinu og huganum. treysta því að innsæi þitt leiði þig ávallt í rétta átt.

þetta er tilvalinn tími til að dýpka samband okkar við andlegu hlið okkar. hvað sem það þýðir fyrir okkur. hvort sem það það er að hugleiða á hverjum degi. skrifa. jóga. mála. hvað sem það er sem tengir okkur við eitthvað æðra - fyrir utan okkur sjálf eða í okkur. (innsæi)

orka fiskanna getur verið markalaus..... (því þeir vilja tengjast öllu)(muniði) en þetta er ekki tími til að dreyma draumum annarra. (hvenær er tími til að dreyma draumum annarra?)(aldrei ef þú spyrð mig) aaallavega.

á þessum tíma getur verið mjög skýrt eða mjög óskýrt hvað það er sem þú vilt virkilega gera. sama hvað þá er þetta einmitt tími til að skoða nákvæmlega það. að sleppa tökum á því sem þú átt að vilja. og kafa dýpra. finna það sem er undir. hvað er það sem býr innra með þér? hvaða draumar eru þarna? að bíða eftir því að þú loksins finnir þá og fylgir þeim.

hvað dreymir þig um? hver eru þín gildi? hvað er hjarta þitt að segja þér? Líttu inn á við og skoðaðu hvað það er sem þú vilt og þráir. samkvæmt þér! ekki samkvæmt samfélaginu, maka, vinum, fjölskyldu eða neinum!! bara samkvæmt þér. þetta er þitt líf elsku hjartans gullið mitt. það getur enginn lifað því eins og þú vilt nema þú!

fiskarnir eru tengdir undirmeðvitundinni. draumar, tilfinningar og þrár sem þú vissir ekki að byggju innra með þér gætu komið sterkar fram núna. þú gætir tekið skref í átt að einhverju án þess að átta þig á hvers vegna. þú laðast að einhverju en þú skilur ekki af hverju. nú er tími til að treysta.

ef þú ert ekki með sterka tilfinningu um hvað er rétt og rangt fyrir þig. þá er þetta góður tími til að tileinka þér hugleiðslu eða einhverja leið til að fara inn á við og þekkja þínar tilfinningar. þitt já og þitt nei!

svo að seinna þegar þú laðast að einhverju en skilur ekki endilega af hverju – þá veistu að þú getir treyst því. í stað þess að hræðast það. að geta treyst á innri sannfæringu sína er svo ótrúlega dýrmætt!

vangaveltur nýja tunglsins í fiskum:

hvaða tilfinningar eru að koma upp hjá þér núna?

hvernig eru mörk þín við tilfinningar annarra?

hvernig viltu sinna sköpunargáfunni og viðkvæmninni?

er eitthvað í þínu lífi sem þú vilt klára endanlega í þessari myrkva-tíð? Trú, hugmyndir eða mynstur sem þú vilt klára og loka endanlega?

hvað dreymir þig um?

hvernig geturðu gert drauma þína að veruleika?

hvernig eru þín tengsl við undirmeðvitund þína?

hvað er innsæi þitt að segja þér núna?

upphaf myrkvatíð

væri þetta ekki clickbait ef ég myndi svo ekkert tala um að þetta sé upphaf fyrstu myrkva-tíðar ársins? ég ætla að tala um það!! engar áhyggjur kæru vinir.

sko. til að útskýra myrkvana aðeins. þá eru sól/tunglmyrkvar alltaf þegar sólin er nálægt annað hvort suðurnóðunni eða norðurnóðunni. það er talað um að þegar sólin er 18° frá annarri nóðunni þá hefjist myrkvatíðin. eða myrkvagátt eins og sumir segja á ensku.

þegar tunglið er nýtt núna 28. feb þá er sólin 18 gráðum frá norðurnóðunni. sumir gætu því vilja flokka þetta tungl sem tunglmyrkva.... ég er persónulega ekki alveg þar því þetta er svo langt í burtu. en hver veit kannski finnur einhver áhrifin!

það er nefnilega hitt með þessa myrkva. það eru alltaf amk 4 á ári. tvö pör. en það er alls ekki víst að maður finni fyrir þeim... eða í rauninni þá er frekar hæpið að einhver finni fyrir öllum myrkvum sem verða.

hins vegar!

ef myrkvarnir mynda afstöður við plánetur/punkta í þínu persónulega korti þá muntu svo sannarlega finna fyrir þeim! myrkvarnir eru ótrúlega áhugaverð fyrirbæri, sem ég hef ekki gruggað alltof mikið í persónulega. verð að viðurkenna það! en þeir myrkvar sem hafa áhrif á okkur persónulega eru mjög greinilega að hvetja okkur til að breyta til. oft getur eitthvað gerst sem við ráðum ekki við. og þá neyðumst við til að breyta til og halda áfram. myrkvarnir vilja nefnilega ekki að við stöðnum eða förum aftur í eitthvað gamallt sem virkaði ekki fyrir okkur.

svo er líka áhugavert að myrkvarnir geta haft áhrif í 2 ár! en það er alveg mismunandi. eitthvað getur komið í ljós í sólmyrkva eða tunglmyrkva en svo dragast áhrifin á langinn. mjög áhugavert. oft er það amk ekki fyrr en 4 mánuðum seinna sem maður skilur afhverju þetta sem gerðist á myrkvanum gerðist.

en já meira um þessa myrkva næst! næsta fulla tungl er nefnilega líka tunglmyrkvi í meyju! (tunglið í meyju)(sólin í fiskum).

já omg bíddu það var það sem ég ætlaði að segja. þetta er upphaf fyrstu myrkvatíðarinnar vegna þess að sólin er nógu nálægt norðurnóðunni en líka því að þetta er nýja tunglið sem setur tóninn fyrir mánuðinn ooooog fyrir fulla tunglið sem er tunglmyrkvinn. okei bæng nú er ég búin

með hjartans kveðju,

astrólafía <3

&nbsp;

Bloggar | Breytt 13.3.2025 kl. 09:31 | Slóð | Facebook | Athugasemdir (0)

28.1.2025 | 10:23

manifesto

hæ vinir<3

eins og þið hafið eflaust séð.... og heyrt... þá finnst mér stjörnuspeki ótrúlega mögnuð! þetta er alveg hreint stórfenglegt tól til að skilja okkur sjálf betur. sem og fólkið í kringum okkur. og heiminn allan. stjörnuspekin er alls staðar. erkitýpur merkjanna tólf eru alls staðar í kringum okkur. í öllu. ég dýrka þetta dæmi. stjörnuspekin er mér allt. líður eins og ég sé að fá knús á öllum stundum frá stjörnuspeki. ég elska þetta.

allavega

þetta er ekki einungis ástaróður til stjörnuspekinnar. ég vil deila með ykkur hugmyndum mínum um stjörnuspeki. þ.e. hvernig ég vil nýta hana. hvers vegna er ég svona heilluð að þessu? hver eru mín gildi í tengslum við stjörnuspekina? það skal ég svo sannarlega segja ykkur!

fyrir hvað stendur astrólafía?

astrólafía stendur fyrst og fremst fyrir frelsi!!!!! ég vil persónulega vera frjáls (vatnsberi lol) til að lifa mínu lífi nákvæmlega eins og mig langar. þegar ég fór á stjörnuspeki ráðstefnu 2024 þá komst ég í snertingu við alsæluna sem því fylgir að ég lifi mínu lífi - fyrir mig! og vááhvað ég vona að öll geti fundið sömu tilfinningu!

það sem gefur astrólafíu tilgang/merkingu er annað fólk. það sem gefur mér tilgang er að hjálpa öðrum að finna sinn tilgang. að veita öðrum hugrekki og frelsi til þess að elta sína drauma og nýta sitt stjörnukort til að fá sem mest út úr lífinu.

ég vil fyrst og fremst nýta stjörnuspekina sem tól til að hjálpa fólki að skilja sig og skilja aðra. stjörnuspeki gefur einstaklingnum leyfi til að vera eins og hann er. ég vil hjálpa fólki að finna hvað það vill nýta sína orku í. hjálpa fólki að finna sína sérstöðu, hvað er það sem gerir hvern og einn einstakann. og hvernig getum við notað það til að skapa það líf sem við þráum.

mig dreymir um heim þar sem allir fá frelsi til þess að vera eins og þau eru. fjölbreytileikinn er ríkjandi. því við erum öll einstök. það er bókstaflega enginn eins. og það er svo frábært!!! þegar við skiljum hvað það er sem drífur okkur áfram og gefum okkur frelsi til að heiðra það. þá fylgir því oft aukið umburðarlindi fyrir náunganum.

astrólafía stendur fyrir ástríðu, frelsi og hugrekki! (ef ég ætti að velja þrjú gildisorð fyrir astrólafíu þá væru það þessi þrjú)

hvað vill astrólafía skilja eftir?

það sem ég vil að astrólafía skilji eftir er að enn fleiri en áður eru að gera sitt! að fólk skilji sjálft sig betur og gefi sér leyfi til að lifa sínu lífi. og veiti þannig öðrum rými til þess sama.

fyrst og fremst vil ég skilja eftir hamingjusamara fólk. með heilbrigð tól til að takast á við lífið eins og þeim hentar best.

arfleiðin sem ég vil skilja eftir er að stjörnuspekin verði rædd á íslensku á íslandi. við eigum ótrúlega fallegt tungumál sem er sífellt að þróast og ég vil gera allt í mínu valdi til að viðhalda íslensku tungunni eins lengi og hægt er. ég vil einnig að fleiri læri stjörnuspeki á íslensku svo ég geti rætt stjörnuspeki á íslensku! plís allir að læra þetta er svo gaman ég gæti grátið.

ég vil skilja eftir mig enn stærri hóp af fólki sem skilur að ekkert eitt merki er betra en annað. stjörnumerkin tólf eru öll með mismunandi markmið og áherslur. þegar við skiljum það þá skiljum við fegurðina í því að fólk sé að gera sitt.

ég vil gefa fólki hugrekki til að lifa lífinu sem þeim dreymir um. hugrekki til að standa upp úr hópnum og fylgja sínu. ekki fylgja bara því sem samfélagið segir þér. það að þora og dirfast til að setja sig fyrst!

astrólafía vill skilja eftir sig heilan heim af fólki sem lifir lífinu sínu!!! að lifa lífinu með tilgangi. lifa ekki heilalaust. lifa í líkamanum, í núinu. lifa þessu gaddem lífi. þetta lifir sig ekki sjálft!!!!!!!

með hjartans kveðju,

astrólafía <3

&nbsp;

Bloggar | Breytt 12.2.2025 kl. 14:48 | Slóð | Facebook | Athugasemdir (0)

14.1.2025 | 16:47

stjörnuspeki ársins 2025

halló halló halló elsku vinir!

gleðilegt nýtt ár og takk fyrir það gamla!!!

astrólafía ætlar svo sannarlega að vera duglegri að blogga á þessu ári! það er voðalega spennandi!!! kannski prófa ég að hafa annað þema á blogginu svo það sé auðveldara að lesa.... sjáum til.... (skiljið kannski eftir skiló í gestabókinni um álit á þemanu)

en ég ætla að renna svona í grófum dráttum yfir stjörnuspeki ársins 2025. endurtek, í grófum dráttum... og ég vil líka segja það fyrir fram, að þetta er ekki persónulegt. hvet ykkur eindregið til þess að skoða hvar allt fellur í ykkar kortum til þess að skilja hvernig þetta getur haft áhrif á ykkar persónulega líf en hér er ég bara að tala voða almennt um allt.

ókei byrjum aðeins á því að rifja upp 2024.

plútó í vatnsbera

20. nóvember 2024 - 9. mars 2044

það stærsta stjörnuspekilega sem átti sér stað var að plútó færði sig yfir í vatnsbera! þvílík tímamót! plútó er (eins og við vitum) lengst í burtu! og er 248 ár að klára heilan hring í stjörnumerkjunum 12. og nú mun plútó vera í vatnsbera næstu 20 árin, eða þar til 2044.

plútó snýst um völd. allt sem er hulið kemur upp á yfirborðið með plútó. markmið plútó er að sýna okkur að það sem við höldum að hafi völd yfir okkur hefur ekki völdin í raun og veru.

vatnsberinn snýst um frelsi. vatnsberinn er frekar fyndið merki, hann vill frelsi og vill vera einstakur en á sama tíma er hann líka merki hópa og samfélagsins. úú já tek það fram að nú er ég ekki að segja að allir vatnsberar séu svona. ég er að tala um erkitýpu vatnsberans.

plútó í vatnsbera boðar miklar breytingar. seinast þegar plútó var í vatnsbera þá var t.d. franska byltingin... og bandaríska byltingin... og iðnbyltingin.

allt það sem er falið í tengslum við mannréttindi og hver er raunverulega með völdin kemur nú upp á yfirborðið. sem heild erum við að fá svolítið ógeð af yfirvaldinu....

plútó í vatnsbera táknar einnig tækniþróun og breytingar í þeim efnum. þetta gæti falið í sér miklar framfarir og tækninýjungar. ég held líka (persónuleg spá) að við munum fá ógeð af símunum. og breyta því hvernig við notum internetið. við upplifum mörg mikið stjórnleysi og valdaleysi í tengslum við símana. eins og við stjórnum því ekki hvað við erum háð símunum. þetta er náttúrulega bókstafleg fíkn. og plútó sýnir okkur alltaf hvað við höldum að hafi vald yfir okkur. en það erum við sem stjórnum.... amk ennþá... kannski taka vélmennin yfir. nei djók. en hvað veit ég. (ekki taka mig á orðinu með vélmennin)(þetta er ekki hræðsluáróður)(eða á amk ekki að vera það)

suðurnóða yfir í meyju, norðurnóða yfir í fiska

12. janúar 2025 - 12. júlí 2026

nóðurnar í stjörnuspeki eru ótrúlega áhugaverðar. þær eru andstæðir punktar á þeim stað sem tunglið fer yfir sólbauginn á ferð sinni í kringum jörðina. nóðurnar ferðast alltaf aftur á bak. eru því að fara úr hrút yfir í fiska. og úr vog yfir í meyju. þær eru í eitt og hálft ár í hverju merki. nóðurnar stjórna því til dæmis í hvaða merkjum við erum með sól- og tunglmyrkva. myrkvarnir eiga sér stað þegar tunglið er nálægt nóðunum. flestir myrkvarnir eru í meyju/fiskum núna en líka í hrút, ljóni og vatnsbera.

suðurnóðan táknar eitthvað gamalt sem er okkur kunnugt. hún táknar óleyst mál úr fortíðinni. ókláruð og/eða skaðleg.

norðurnóðan táknar nýja orku. hún getur reynst okkur ókunnug, framandi og jafnvel óþægileg. við þurfum að komast í gegnum óþægindin og byggja upp þessa nýju orku.

þegar okkur tekst að vinna með orku norðurnóðunnar þá fer vog nóðanna að jafnast út. þá eigum við auðveldara með að nýta okkur jákvæðu hliðar suðurnóðunnar.

suðurnóðan fer yfir í meyju - norðurnóðan í fiska.

bæði meyjan og fiskarnir tengjast heilnæmni. á mjög mismunandi máta. meyjan nálgast það með nákvæmni, skipulagi og með því að hjálpa á praktískan máta. fiskarnir nálgast það með því að sleppa tökum, sýna samkennd og andlega viðleitni.

norðurnóðan táknar hvert við stefnum, það er því verið að hvetja okkur til þess að vinna meira með orku fiskanna. að sleppa tökum á því sem við höfum ekki völd á. það er ekki allt í okkar höndum. orkan vill kenna okkur að sleppa tökum. opna okkur fyrir innsæinu. fyrir anda(spirit), öllu því sem við getum ekki endilega útskýrt með vísindum og rökum. orkan hvetur okkur til að opna okkur fyrir því að við erum öll partur af sameiginlegri heild. og við erum öll partur af öllu.

noðurnóðan hvetur okkur til þess að tileinka okkur þetta, svo við getum jafnað út orku suðurnóðunnar í meyju. suðurnóðan í meyju táknar það að nú sé tími til að sleppa tökum á hugmyndum um fullkomnun. óþarfa sjálfsgagnrýni má fokka sér!!! þetta tengist inn á öll svið. en sérstaklega í tengslum við vinnu og líkama, meyjan er mjög tengd því báðu.

en já okei til að klára þetta. næstu 18 mánuðina þá er verið að hvetja okkur til að sleppa tökum á fullkomnunarþörf. á öllum sviðum! sól- og tunglmyrkvarnir munu ljóma þetta enn betur fyrir okkur, og þá sjáum við þetta á persónulegra leveli. og að opna okkur fyrir öllu því sem er ekki áþreifanlegt. draumar, innsæi og trú til dæmis. opna okkur fyrir því að ráða ekki för..

neptúnus yfir í hrút

30. mars (til lok feb (28. feb) 2039)(neptúnus gengur aftur 22. okt)(endar árið í fiskum aftur)

neptúnus er í 14 ár í hverju merki. 165 ár að fara heilan hring um sólina (og í gegnum merki dýrahringsins). neptúnus fer yfir í hrút 30. mars, gengur svo aftur 22. október og endar árið aftur í fiskunum. en neptúnus er samt farinn að dýfa tánum yfir í hrútinn. þó hann sé ekki kominn til að vera alveg strax!

neptúnus er plánetan sem stjórnar fiskunum. neptúnus er utan marka rökfræðinnar og jarðneskrar túlkunar. neptúnus skilur hina djúpu tengingu við alheiminn og er tengdur öllu sem er. allt sem við köllum óraunverulegt er fyrir neptúnusi jafn raunverulegt og allt sem við getum snert. það getur verið erfitt fyrir okkur mennina að skilja neptúnus því neptúnus skilur jörðina ekkert alltof vel sjálfur.

neptúnus fer út fyrir svið þess hugræna og áþreifanlega.

neptúnus í hrúti er að byrja eitthvað nýtt! hrúturinn er fyrsta merki dýrahringsins og snýst um að hefja eitthvað. hrútnum fylgir mikill eldmóður, hann fer af stað án þess að hugsa hlutina alveg í gegn. þetta er allt í tengslum við drauma, innsæi, fantasíur.

hrúturinn og fiskarnir eru ótrúlega ólík merki og verður þetta eflaust tími mikilla breytinga. þetta gæti allt verið frekar ruglingslegt. shit ég er að verða ringluð að reyna að skrifa um þetta.

ókei sko! neptúnus eru draumar, innsæi, innblástur, fantasíur, stórvægileg listaverk. hrúturinn snýst um að láta hluti gerast. hrúturinn stendur fyrir hugrekki, sjálfstæði og innblæstri. hann vill koma hlutum af stað. er ekkert endilega mikið í því að klára dæmið.

neptúnus í hrút mun líklegast bera í skauti sér nýjar leiðir til að horfa á hlutina. nýir draumar og hugsjónir um hvernig heim við viljum skapa. hugrekki hrútsins gæti hvatt okkur til þess að þora að dreyma! þora að treysta. þora að byrja að skapa heiminn sem við viljum skapa.

þora að berjast fyrir því sem við trúum á.

(ég get, ætla og skal skrifa heilt blogg um þetta!)

satúrnus fer líka yfir í hrút!!!

25. maí 2025 - 1. september 2025 (og svo aftur á næsta ári)

satúrnus fer tiltölulega frekar hægt í gegnum merkin. hann er u.þ.b. 29.5 ár að klára heilan hring. og dvelur í hverju merki í sirka 2.5 ár.

satúrnus snýst um aga, ábyrgð og að ná fullkomnum tökum á einhverju. satúrnus tekur tíma, veit að góðir hlutir gerast hææææægt og er tilbúinn að vinna fyrir hlutunum. eða láta okkur vinna fyrir hlutunum hahaha. en svo er satúrnus að fara yfir í hrút. hrúturinn er hvatvís, hugrakkur og fullur af eldmóði.

satúrnus fylgir neptúnusi yfir í hrútinn!! þetta er huge! þetta er svo áhugavert... mér finnst svoldið krúttlegt að neptúnus og satúrnus eru að leiðast yfir úr fiskum og yfir í hrútinn.

þessar plánetur eru gjörólíkar. sjá raunveruleikann á mjög mismunandi hátt.

satúrnus segir að neptúnus sé fastur í ídealisma.

neptúnus segir að satúrnus sé fastur í efnishyggju.

það sem tengir þessar plánetur saman er að þær hafa engan tíma í þarfir egósins. þær eru sammála um að það er eitthvað æðra en egóið. neptúnus trúir á æðri mátt, æðri skipan. satúrnus trúir á kerfisbundar reglur, karmíska skipan.

á þessum tíma erum við að taka ábyrgð á draumum okkar. sem heild. í sameiningu. að taka ábyrgð á því að láta hlutina gerast. ég fæ svoldið uppreisnarvibe, lýg því ekki. hlutir sem við héldum að myndu aldrei breytast gætu breyst... smá eins og klettur og sjórinn. í fyrstu myndi maður halda að steinninn væri sterkari, að hann sé fyrirstaða og sjórinn kemst ekki framhjá. en með tímanum þá veðrar sjórinn steininn. það sem við héldum að væri sterkt og myndi endast að eilífu er nú að veðrast. hlutir fara að falla í sundur og við förum að sjá í gegnum sprungurnar. við treystum ekki lengur því sem við treystum áður. (þetta er neptúnus að fara úr fiskum stemning)

við gætum samt líka verið of fljót til þess að treysta einhverju nýju. að taka því fyrsta sem okkur býst í staðin fyrir það gamla t.d.... það er hvatvísi hrútsins.

ég er amk mjög forvitin að vita hvernig þetta mun birtast okkur! í kringum 25. maí (þegar satúrnus fer yfir) og svo 31. júli (þá eru þær á nákvæmlegu sömu gráðu).. (sorry ég nenni ekki að skrifa meira)(þetta er hvort sem er bara í grófum dráttum)(er að stikla á mjög stóru)...

úranus fer yfir í tvíbura

7. júlí - 8. nóvember 2025 (fer aftur í naut 8. nóv)(en er svo í tvíbura frá 2026 til 2033)

úranus elskaaaar breytingar. hann er stjórnandi vatnsberans. úranus þráir frelsi, þróun og vill fá að vera einstakur. úranus þorir að vera öðruvísi, vill hrista upp í hlutunum og prófa eitthvað nýtt.

úranus í tvíbura boðar nýjar leiðir tjáningar. tvíburinn er merki sem snýst um samskipti. tvíburinn er forvitinn, elskar að læra og prófa nýja hluti. úranus í tvíbura vill vita hvers vegna hlutirnir eru eins og þeir eru.... og hann vill líklegast fá að prófa eitthvað nýtt.

prófa nýjar leiðir til nota tækni, nýjar leiðir til samskipta, nýjar leiðir til að kenna og til að læra. þessi tími gæti orðið svoldið ruglingslegur,,, tími þar sem við erum öll svoldið að finna út úr því hvað við viljum gera og hvernig við viljum vera í nýja heiminum sem er að birtast okkur.

júpíter fer yfir í krabbann 10. júní

júpíter er 12 ár heilan hring. og breytir um merki á hverju ári. þetta er því ekkert sérlega merkilegt þaaannig séð. ekki miðað við allt hitt. allar kynslóðapláneturnar eru að skipta um merki.

en júpíter stækkar allt sem hann snertir. í krabba þá stækkar hann þörf okkar til að tilheyra. markmið krabbans er að rækta tilfinningalegt öryggi. það gerir hann helst í gegnum fjölskyldu, heimili og móðurímyndina.

á þessum tíma er júpíter að stækka tilfinningar okkar. júpíter stækkar allt, pælir ekkert í því hvort það sé ´gott´ eða ´slæmt´. við gætum upplifað að ímyndunarafl okkar og innsæi sé sterkara á þessum tíma. við gætum líka tekið öllu persónulega og verið mun viðkvæmari en við erum vanalega. aukin þörf til að vernda fólkið okkar og gæludýr.

ókei ætla ekki að segja meira. ég er fokk til í þetta!

út með þetta gamla og inn með nýtt og fallegt<3 ég vona að á þessu ári og næstu árin munum við finna betur út úr því hvernig við viljum hafa hlutina svo við getum sem flest haft það bara frekar gott. ég held reyndar... (persónulega) að það muni allt fara í meira fokk áður en okkur tekst að finna jafnvægi í þessu:) ég held að allt fari í steik og þá fáum við okkur loksins fullsadda af öllu valdabrjálæðinu :)

með hjartans kveðju,

astrólafía <3

&nbsp;

Bloggar | Breytt 19.2.2025 kl. 13:18 | Slóð | Facebook | Athugasemdir (0)

6.10.2024 | 18:49

hvað er stjörnuspeki?

hæ kæru vinir!!!

ég ætla að kynna mig smá áður en ég byrja að tala og tala og tala!!

ég heiti ólafía sigurðardóttir. ég er 24 ára stjörnuspekingur. stjörnuspekin sem ég vinn með er þróunar-stjörnuspeki (e. evolutionary astrology). þar er hugmyndafræðin sú að fæðingarkort hvers og eins er einskonar kort af þróun sálarinnar. að orka plánetanna og merkjanna er orka sem við getum öll unnið með, frekar en eitthvað sem stjórnar okkur.

ég er því með bráðaofnæmi fyrir því þegar fólk afskrifar eitt merki sem slæmt og annað sem gott. það er ekkert slíkt til!! merkin eru mismunandi og það er ekki hægt að sjá hvernig neinn er eftir því einu hvert stjörnumerki viðkomandi er. við höfum öll frjálsan vilja til að spila með orkuna eins og við viljum. ég tala oft um að það sé hægt að spila merkin vel og illa. því merkin hafa öll kosti og galla.

það er ekkert í kortum okkar sem er gott eða slæmt. það er samt ýmislegt sem getur verið krefjandi! en það er okkar að finna hvernig er best að vinna með þær áskoranir sem kortin okkar hafa. því tala ég um hvað pláneturnar eru að kenna okkur, því allt er að kenna okkur eitthvað. það er annað mál hvort við veljum að læra það eða forðast það.

fyrir mér er stjörnuspeki ótrúlega falleg og skemmtileg leið til að kynnast sér betur. og að skilja ýmsar krefjandi aðstæður og breytingar sem eiga sér stað í lífum okkar. og málið er... í rauninni skiptir ekki máli hver ykkar skoðun á stjörnuspeki er. hvort þið ´trúið´ á hana eða ekki. fyrir mér er þetta ekki einu sinni trú, þetta eru bara staðreyndir. og eftir því sem ég læri meira og kafa dýpra inn í heim stjörnuspekarinnar þá verður það bara skýrara fyrir mér.

flestir vita í hvaða stjörnumerki sólin þeirra er. en það er svo lítið brot af sögunni. sólin er reyndar eitt af því mikilvægasta í stjörnukortum okkar en það er svo mikið meira í gangi. sólin fellur t.d. í eitt af 12. húsum stjörnukortsins. tunglið og allar hinar pláneturnar gera slíkt hið sama. eru í einhverju merki og í einhverju húsi. svo spila orkur pláneturnar líka saman á mismunandi máta. þetta er endalaust sem hægt er að skoða endalaust!!!!! sem er svo gaman!! ég dýrka þetta!

allavega! mig langar til að gera stjörnuspekina mannlega á íslensku. hjálpa fólki að skilja orkuna og hafa smá gaman af því! þetta er nefnilega svo ótrúlega skemmtilegt!!! ég vil líka bara hjálpa fólki að lifa sínu fallegasta og besta lífi. finna sína köllun í lífinu og fylgja henni 100%!

meira um það síðar... langaði bara að kynna mig og mína hugmyndafræði örlítið!

love you guys!!!

með hjartans kveðju,

astrólafía<3

Bloggar | Breytt 28.1.2025 kl. 16:27 | Slóð | Facebook | Athugasemdir (0)